BANANA KOFTA IN WHITE GRAVY

During navratri hum sabko kitna kuch new banane or seekhne ka mauka milta hai. Mujhe bhi mila or maine har baar ki tarah is navratri me bhi kuch new try kiya jo maine pehle kabhi nai banaya tha. Is navratri maine bnaye raw banana ke kofte wo bhi white gravy ke sath.

Without onion garlic turmeric without any masala iska taste bahot yumm tha sabne bahot pasand kiya. Aap chahe to ise navratri ke fast ke liye banaye ya kisi or special day ke liye. I'm sure ki aap sab ko bhi bahot pasand aaega.

Sirf kuch simple se ingredient or easy steps ke sath ready hai humari banana kofta curry white gravy ke sath.
So let's move to the kitchen...

INGREDIENT

For kofta -

Raw banana - 4

Paneer - 3-4 tsp

Penut powder - 2-3 tsp

Rock salt - as per taste

Green chilli - 2

Dry pomegranate powder - 1/4 tsp

Cinnamon powder - 1/3 tsp

Coriander leaves - 1 tsp

Oil - for frying

For gravy - 

Tomato - 3-4

Green chilli - 2

Cream - half cup

Rock salt - as per taste

Cumin powder - 1 tsp

Curry leaves powder - 1 tsp
Ghee - 2 tsp

METHOD --

 Raw banana ko boil kar ke peal kar le. Ek bowl me kofte banane ke liye sare ingredient add kar ke achi tarah se mix kar len. Is mixture ko hath se achi tarah se mash karne me 6-7 minute ka time lagta hai.

 Ready kiye hue mixture se small same size ke balls bana kar ready kar le. Agar fast ke liye bana rhe hain to penut powder use kare or agar kisi other day ko special banane ke liye aap ye kofte bana rahe hain to penut powder ki jagah besan use kar sakte hain.

 Ek kadhai me oil garam kare. Oil ko achi tarah se garam hone ke baad he usme kofte fry hone ke liye dale otherwise kofte jyada oily ho jaenge or tasty bhi nahi banenge.

 Garam oil me 3-4 kofte ya pan me jitne kofte easily aa jaye add kar ke crisp or golden hone tak fry kar le. Ek baar me jyada kofte add na kare because is se oil ka temprature low ho jaega or kofte oily. Fry kiye kofte ko kitchen paper per nikal kar side kar le.

 Ek jar me tomato green chilli add karke pury bna le. Ek pan me ghee garam kar ke cumin seeds add kar ke crackle hone tak cook kare. Tomato pury cream and dry spices add kar ke mix kare or 1 cup water add karke 7-8 minute tak cook kar le.

Gravy ke cook hone par usme kofte or dry curry leaves add kar ke lightly mix kare or 2-3 minute tak cook kar len.

Gurma garam raw banana kofta ko roti rice pratha or puri ke sath surve kare and enjoy your cooking.

KUTTU SPINACH UTAPPAM

Navratri me kuttu ke aate ka use hum sabse jyada karte hain. Kuttu puri, kuttu pakode, kuttu paneer kachori, kuttu roti jaisi bahot sari yummy dishes hum navratri me banate hain. Tasty to bahot hote hain but oily bhi utne he hote hain.

But aaj hum bana rahe hain usi kuttu ke aate ke sath ek tasty or oil free bhog. Yes... Bum bana rahe hain kuttu utappam spinach ke taste ke sath.

Kyuki hum bina oil se ye dish bana rahe hain to ye healthy bhi hai or spinach add kar rahe hain to tasty bhi bahot hai.
Banane me itna easy or instant ki aap jhutpat bina extra effort ke bhi bana sakte hain. Maine bhi ye kuttu utappam kal first time he banaya. Dinner banane ke liye late ho rahe the to socha ki kyu na kuch instant dish banayi jaye jisse mera time bhi cover ho jaye or sabko pasand bhi aaye. So maine banaye ye tasty and soft kuttu utappan jo sabko bahot pasand aaye jinka fast nahi tha unhone bhi bahot enjoy ki or sabne khayi.
So aap sab ke aath bhi share karne ka dil kiya to aagyi ye easy utappam recipe lekar...

INGREDIENT

Kuttu flour - 2 cup

Spinach - 1 cup

Potato - 4-5 boiled

Green chilli - 2

Rock salt - as per taste

Black paper powder - 1/2 tsp

METHOD --

 Ek bowl me kuttu flour green chilli salt black paper powder spinach add kar kr achi tarah se mix kar le.

 Half cup water add kar ke soft dough ready kar le. Agar aapko dough jyada soft lage to thoda flour or add kar le. Ready kiue dough ko 5 minute ke liye cover kar ke rakh de.

 Ready kiye dough se choti choti ball bana kar hath se press karte hue round shape de kar sare utappam ready kar le. Ek nonstick pan or tawa garam kare. Ready kiye hue utappam ko dono side se golden hone tak cook kar le.

Garam garam kuttu spinach utappam ko green chutni tomato chutni ya dahi ke sath surve kare.
Happy navratri...

SAGO VADA

Aaj Navratri ka fifth day hai. Or aaj ke bhog kr dinner ke liye hum bana rahe hain sabudana vada. Sabudana vada ko hum mostly navratri me fast ke liye banate hain. Potato or penut powder ke sath bane ye sago vada bahar se crispy crunchy or andar se soft and spicy sago  vada bahot he tasty hota hai. Navratri ke in 9 dino me atleast 4-5 time to vade banaye he jate hain.
Waise to sabudana vada ek maharastra ki dish hai but pure india me ye dish bahot famous hai. Tomato chutni ya mint coriander chutni ke sath surve kiya jane wala sago vada sabko he pasand hoga. Meri mum ko bhi bahot pasand hai. During navratri ye unki first choice hoti hai bhog or dinner ke liye.
Sabudana vada Banane me bhi easy hota hai or time bhi jyada nahi lagta. Sago ko soak kar ke potato or penut ke mixture se banne wala vada sirf 10 minute me he ready ho jata hai. To navratri ho ya koi other special moment ho aapke har meal ko or special banane ke liye sago vada bahot acha option hai.

INGREDIENT

Sago - 1 cup

Potato - 2

Penut powder - 1/2 cup

Green chilli - 2

Black paper powder - 1/2 tsp

Rock salt - as per taste

Coriander leaves - 2 tsp

METHOD --

Sabudana ko running water me wash kar ke 2-3 hour tak 2 cup pani me soak kar le. Sago se extra pani nikal kar ek bowl me dal le. Boiled or mashed potato salt green chilli black paper powder coriander powder penut powder add kar ke hath se achi tarah mesh karte hue mix kar lenge or vade banabe ke liye mixture ready hai.

 Ready kiye mixture se same size ke balls bana kar unko vade ki shape de denge. Aap chahe to ise round star ya koi b apni pasand ki shape de sakte hain. Sare vade ready kar ke ek plate me rakh lenge.

 Ek pan me oil garam kar le. Oil ko pura garam hone ke baad he hum vade fry karenge otherwise vade bahot jyada oily ho jaenge or ache bhi nahi banenge. Oil garam hone ke baad 2-3 ya jitne aapke pan me ek baar me aaram se aa jaye htne vade dal k deep fry kar lenge. Dono taraf se golden or crisp hone tak fry kar lenge.

 Fry kiye vado ko kitchen paper per nikal kar extra oil kitchen paper per soak hone denge. Agar aap deep fry nahi karna chahte ya extra oily nahi chahte to heavy tawa per thoda oil garam kar ke vada ko tikki ki tarah bhi aap stir fry kar sakte hain.

Garam garam crispy sago vada surve karne ke liye ready hai. Dahi mint ciriander chutni ya tomato chutni ke sath surve kare.

Happy Navratri 

POTATO PENUT TIKKI

Navratri ki 2nd day hai or aaj ke prashad ke liye hum bana rhe hain potato spinach penut tikki. Bahar se crispy or andar se soft or spicy ye aalo tikki vart ke liye ekdum perfact dish hai.
Mujhe spicy food bahot pasand hai or salt or spices ke bina 9 din tak main to reh he nahi sakti. So mujhe chaheye kuch na kuch teekha or chatpta jo mere fast ke liye bhi perfact ho health ke liye bhi.
Isliye maine banaya aalo tikki ko thoda sa healthy way me. Less potato and more spinach ke sath. Penut powder humari tikki kk ek crunch or taste to dega he sath me spinach potato ko binding me bhi help krega.
Aap ise aise he green chutni ke sath bhi surve kar sakte hain or dahi methi chutni or green chutni ke sath chaat bana kar bhi surve kar sakte hain.
So lets go..

INGREDIENT

Potato - 4-5

Spinach - 2 cup

Penut powder -5-6 tsp

Green chilli - 2

Black paper powder - 1/2 tsp

Rock salt - as per taste

Ghee - for stir fry

METHOD --

 palak ko wash kar kr barik cut kar le. Ek bowl me barik kati hui palak boiled or mashed potato green chilli rock salt black paper powder or penut powder add kar ke achi tarah se mix kar len. Mixture ko hand se achi tarah se 8-10 minute tak mash karte hue ek dough ready kar len. Agar dough jyada soft lage to thoda penut powder or add kar sakte hain.

Ready kiye hue tikki ke mixture se same size ke balls bana le. Ab apne palm per tboda sa oil laga kar round shape me cutlets ready kar le. Aap chahe to ise apni choice se koi bhi shape de sakte hain.

 Ek pan me 3-4 tsp ghee gara kare. Ghee garam hone ke baad pan me ek baar me 3-4 ta jitne aapke pan me aaye utne cutlet dal de. Dono taraf se golden or crisp hone tak fry kar le. Aap chahe to penut powder se coat kar ke deep fry bhi kar sakte hain. Psn se nikal kar kitchen napkin per rakh kar extra ghee nikal le.

Gree chutni ke sath garam garam surve kare ya meethi dahi imli ki chutni hari chutni paneer or anaar ke dano se ke sath garnish karke chaat bhi bana sakti hain. 

Happy Navratri.

SAGO CUSTARD

Navratri special... Navratri ke ye 9 din  hum sab ke liye bahot special hain. In 9 dino ke fast me hum daily kuch na kuch new or tasty dishes he banaenge. Kyuki in fast ke dino me hum onion or garlic use nahi karte hain is liye in next 9 dino me hum sirf fast recipes or without onion garlic ki dishes post karenge.

Navratri ke in 9 dino me hum mata rani ke bhog ke liye prashad banate hain or mata ko bhog laga kar he hum khana khate hain. Aaj navratri ka second day hai or aaj hum prashad ke liye bana rahe hai sago custard.

Sago custard ek easy to make dish hai or ise hum thanda he surve karte hain. Sirf 3 step or 3 ingredient se ready ye custard bahot he yummy hota hai. Sago hum fast ke liye bahot sari dishes banane ke liye karte hain. Sweet ho ya namkeen to sago har dish ke liye parfact hota hai.
To chaliye banate hain aaj ka prashad...

INGREDIENT

Milk - 1 ltr

Sago - 2 cup 

Sugar - 7-8 tsp

METHOD --

 Sago ko wash karke 4 cup pani me 3-4 hours tak sock kar ke rakh den. Kyuki sago hard hota hai or sticky bhi to sago ko achi tarah se cook karne ke liye sock karna jaeoori hota hai taki sago achi tarah or jaldi cook ho jaye or sticky bhi na rahe.

 Ek litter dhoodh ko achi tarah se boil kar len. Dhoodh ke boil hone ke baas usme soak kiya hua sago add kare or continue chalate rahen. Dhoodh ko boil hone me 4-5 minute ka time lgta hai.

Custard ko continue chalate rahe taki custard bartan se chipake nahi. Custard ki thik hone tak cook kar le. Sago ko mesh nahi karna hai. Bus transparent hone tak cook karna hai. Jaise he sago cook hota jaega wo bartan se apne aap alug hota jaega. Sago ke cook hone ke baad hum isme sugar add karke mix karenge or 2-3 minute tak cook kar lenge.

Thanda hone ke liye 1 hour ke liye fridge me rakhe. Glasses me dal kar rose petals se garnish kare or chilled surve karen. Enjoy your custard with your family.

Happy Navratri.